Javier Mugarra Arrien, 66 urtekoa, Zamudiokoa, mendizale ospetsua, alpinismoan eta eskaladan esperientzi handikoa, gaur goizean hil da Mañariko Arranatx mendian eskalada egiten ari zela.
Javierrek hainbat igoera eta espedizinotan parte hartu zuen, Pirinioetan, Alpeetan eta mundu osoko beste mendi altu batzuetan ere. Goi Mendiko Euskal Eskolako eta Espainiako Goi Mendiko Eskolako irakasle ere izan zen.
Javier gure klubaren bitartez federatuta zegoen eta Talluko 166 zenbakiakun bazkidea zen.
Tallu Mendizale KKko pertsona talde osoaren izenean, doluminak eman nahi dizkiegu bere familiari eta lagunei, eta animo handia aurrera jarraitzeko.
Azken urte hauetako Maiatzaren erdialdean klasiko bat bihurtu denez , Txorierriko bailara inguratzen duten mendietako batera igotzeko, Derioko Untza mendi taldeak irteera herrikoi bat antolatzen du.
Eguna: Maiatzak 12.
Derioko Herriko Plazatik urteera bi egongo dira:
Bata, nagusientzako 17,6 kmkoa, goizeko 8:00 etan urtenda eta bestea 9,6 kmkoa, umeentzako, goizeko 9:00etan urtenda.
2024ko maiatzetik abendura arte, Uribe eta Uribe Kostako inguruetatik, Talluk hilero martxa nordikoko irteerak antolatuko ditu,.
Goizeko irteera errazak izango dira eta desnibel gutxikoak. Helburua, Mungiako eta Mungialdeko zaleak kirol hau egitera animatzea da. Deporte honek gorputzeko atal guztiak mugimendu egokituekin lantzeko aukera ematen baitu. Martxa nordikoa ariketa osasungarria da eta gero eta gehiago medikuntzan adituek kirol hau aholkatzen dute.
Ibilbideak eta datak hurrengo taulan adierazitakoak izango dira.
Apirilaren 28an Euskal Mendizale Federazioaren mendeurrena ospatzen da.
Behin baino gehiagotan entzungo zenigutenez, federazioak asteburu honetarako proposatutako erronketako bat 100 mendi igotzea da, 100 mendi taldek antolatuta. Benetan 100 taldek baino gehiagok parte hartuko dugu.
Tallu Mendizale Kirol Klubari Sollube mendira igotzea dagokio. Proba hau Uribeko klubekin batera egingo dogu, hau da Sollubepe, Kirkiñitu, Aldatz Gora, Arrietako lagunek, eta Untza.
Apirilaren 28an goizeko 8: 00etan, auto partikularretan irtengo gara Meñakara, eta handik Urrusillotik igoko gara. Itzuli Goikoetxebarri eta Santillandi baseliza ondotik.
Datorren domekan, apirilak 21ean, Ereñora joango gara, Bustarrigan (561m) mendi xumera igotzeko. Ibilbidea Ereñoko Mikel Deunaren eliza ikusgarriaren ondoan dagoen aparkalekuan hasten da, eta asfaltatutako bidetik jarraitzen du Geranda mendiaren hego-mendebaldeko alderaino.
9 km inguruko ibilbide zirkularra da, zailtasun teknikorik gabekoa, 333 metro inguruko desnibelarekin.
Aiarako Añes hauzotik abiatuta, Apirileko lehen igandeko irteera Aro Haitzera eta Eskutxira igotzen da.
Herri hau Llanteno haranaren hondoan eta Gorobel mendilerroaren oinean dago, harriz egindako hormatzar bertikal baten gainean. Paisaia hariztiz eta lizarrez egina dago eta belardiz eta harkaitzez, garaieran gora egin ahala.
Eskutxi (1185), Salvada edo Gorobel mendilerroaren gailurrik garaiena da eta Aro (1127) haitza norabidez aldatzen den mendebaldeko gailur txikia da. Gailurra ibarretik bereiz daiteke, mendigune horretako gailurren bereizgarri den itsasontzi-brankako silueta bereizgarriagatik.
Aurreko mezu batean iragarri genuenez eta joan den larunbateko batzarrean komentatu genuenez, apirilaren 21ean Eusko Legebiltzarrerako hauteskundeak egingo direnez, egun horretarako programatutako egun osoko irteera apirilaren 14ra aurreratuko da.
Egun horretarako irteera bi prestatu ditugu, biak errazak.
Irteera bat zirkularra da, 13 kilometrokoa, eta Tejas mendiko bide mitologikoa zeharkatzen du. Ibilbide honetan, Terio Lombilla herriko eskultore erretiratuak zizelkatutako lanak ikusiko ditugu, zuhaitzetako enborrak eta motzondoak aprobetxatuz hainbat izaki mitologikorenak. Eskultura natural original ugari ikusiko ditugu, besteak beste, Ojanano, Guajona, iIratxo, Arketu, Goroldio, Anjana,Hartz, Castro Urdialesen sirenuka edo Lierganesko Gizona bezalako pertsonaiak irudikatzen dituztenak.
Bidai hau, interesa duten pertsonen kopuruaren arabera egingo da, edo autobus bat alokatuko dogu edo auto pribatuetan joango gara.
Hori dela eta, interesatuek izena eman mesedez Urriaren 12a, eguen gabea baino lehenago. Mezua bidali Whatsapp edo Posta Elektroniko bidez. Eskerrik asko.
Oharra: Arrazoi ez desberdinegatik, Tallu Mendizale KKak ibilbidea partzialki edo osorik aldatzeko eskubidea berengan hartzen dau.
